top of page

როგორ დავთვალოთ საცხოვრებელი ქონების საინვესტიციო შესაძლებლობა და ღირებულება თბილისის ტერიტორიაზე.


უძრავი ქონების კალკულატორი

თბილისში ბინის ქირამ ბოლო წლების განმავლობაში საშუალოდ 30 % -ით მოიმატა, რასაც უძრავ ქონებაზე ფასების საგრძნობი ზრდა მოჰყვა. ამ მოკლე პერიოდში აღნიშნულ მატებას,დემოგრაფიული სიტუაციის შეცვლას (მიგრაციას) უკავშირებენ, თუმცა ჯერჯერობით ფასების შემცირების მოლოდინი არ არსებობს,მოლოდინები უფრო პოზიტიურია. ბაზრის წონასწორობის გამყარებაში შესაძლოა მიმდინარე პოლიტიკურმა სიახლეებმაც (კერძოდ, ევროკავშირის გაფართოების გეგმამ) დადებით როლი შეასრულოს.

ამ ეტაპზე აქტუალური გახდა თბილისში უძრავი ქონების ქირის ღირებულების შეფასება, რის გამოც ჩნდება ბევრი კითხვა და მოლოდინი, სად უფორ უკეთესია ინვესტიციის გაკეთება - რომელ უბანში, რა ტიპის უძრავ ქონებაში.

თბილისში ყველაზე აქტიურია საცხოვრებელი უძრავი ქონების ბაზარი. აქ უფრო მეტად და სანდოდ შეიძლება განისაზღვროს მიმდინარე და მოსალოდნელი ტენდენციები. რაც ასე საინტერესოა უძრავი ქონებით დაინტერესებული ინვესტორისთვის.

ჩვენ გთავაზობთ უძრავი ქონების კალკულატორებს. რომლითაც უფრო მარტივად შეძლებთ ქონების ღირებულების დადგენას. კალკულატორებში უბნების მიხედვით არის მოცემული კაპიტალიზაციის განაკვეთები.

რას ნიშნავს ეს? ასეთი კალკულატორით შესაძლებელია ქონების, როგორც საიჯარო ღირებულების, ასევე გასაყიდი ღირებულების დადგენა. მაგალითისთვის, თუ გაინტერესებთ გაქირავებული საცხოვრებელი უძრავი ქონების საშუალო გასაყიდი ფასი უნდა შეხვიდეთ აქ. შემდეგ ჩაწერთ ყოვეთვიური ქირის ოდენობასა და ადგილმდებარეობას და კალკულატორი საშალოდ დაითვლის რა ღირებულების ქონებას ფლობთ. თუ თქვენ ბინა ახალი შეძენილი გაქვთ ან აპირებთ ქონების შეძენას გაქირავების მიზნით, ქირის ღირებულების დასადგენად ეწვიეთ გვერდს იჯარის კალკულატორი.

თუ რამდენიმე საინვესტიციო შესაძლებლობის ერთად განხილვა გსურთ, შეგიძლიათ გამოიყენოთ იჯარის მულტიპლიკატორი ან თავადაც დაითვალოთ კაპიტალიზაციის განაკვეთი.

ჩვენს მიერ მიღებული კოეფიციენტები შეიძლება სრულად და ზუსტად ვერ ასახავდეს კონკრეტულ ბაზარზე მიმდინარე კონკრეტულ მოვლენებს, მაგრამ ძალიან ახლოს იქნება სიმართლესთან. სხვა დეტალებთან დაკავშირებით შეგიძლიათ მოგვწეროთ ან ნახოთ პოსტები: რა არის კაპიტალიზაციის კოეფიცნეტი, როგორ დაგვეხმარება პოტენციური იჯარის მულტიპლიკატორი.

კალკულატორებში თითოეული უბნისთვის დათვლილი და საშუალოდ შეწონილი გვაქვს 400-ზე მეტი გასაყიდი და საიჯარო შეთავაზება. ასეთი კოეფიციენტები, ზოგადად, იჯარიდან სუფთა შემოსავლით ითვლება. ჩვენ შემთხვევაში კი, პოტენციური შემოსავლიდან არის დათვლილი, ამიტომ იჯარის კალკულატორის გამოყენების დროს საჭიროა იმ ყოველთვიური საიჯარო ქირის მითითება, სადაც შესულია ყველა ხარჯი და ვაკანსია, რაც გაქირავების დროს გქონდათ.

ამ ეტაპზე კოეფიციენტების კვლევაში 8000-მდე შეთავაზებაა გამოყენებული და უახლოეს პერიოდში,სავარაუდოდ,კიდევ ამდენივე დაემატება.

აღსანიშნავია რომ უბნების შედარება კოეფიციენტების მიხედვით არამართებულია, რადგან ზოგადად დაბალი კაპიტალიზაციის განაკვეთი უფრო გარანტირებულ შემოსავალთან ასოცირდება, ხოლო მაღალი განაკვეთი მაღალ რისკებთან. უძრავი ქონების უფრო კონკრეტული და საფუძვლიანი შეფასებისთვის დაგვიკავშირდით: https://www.base2023.com/უძრავი-ქონების-შეფასება


24 views

Comments


bottom of page